• Arquivo

  • Categorías

  • Secións

  • Panel de control

  • Estatísticas

    • 17.008 Visitas

O GRUPO COMÚN DA ESQUERDA E O DE GALICIA EN COMÚN APOIAN AS REIVINDICACIÓNS DA VECIÑANZA DE RIBADETEA SOBRE O SANEAMENTO

OS DOUS GRUPOS REXISTRARON PREGUNTAS AO RESPECTO DO SANEAMENTO EN RIBADETEA NAS MESAS DO PARLAMENTO DE GALICIA E DO CONGRESO DOS DEPUTADOS RESPECTIVAMENTE.

2019_12_12 Reunión plataforma Ribadetea

O pasado xoves, 12 de decembro, Eva Solla, Coordinadora Nacional de Esquerda Unida e Marcos Cal, membro do Consello Cidadá Galego de Podemos, os dous deputados autonómicos do Grupo Común da Esquerda, acompañados polo Coordinador Local de EU en Ponteareas, Lino Costas, reuníronse coa Plataforma Veciñal de Ribadetea para interesarse sobre o problema da falta de saneamento nesa parroquia de Ponteareas.

Froito de esa reunión, os dous grupos parlamentarios iniciaron xestións de cara a acadar que as necesarias actuacións de saneamento na parroquia de Ribadetea e de mellora da depuración de augas residuais no Concello de Ponteareas se poñan en marcha dunha vez.

O venres, 13 de decembro, o Grupo Común da Esquerda rexistrou unha serie de preguntas sobre as xestións que está a realizar a Xunta de Galicia con respecto ao saneamento en Ribadetea e cando ten pensado iniciar e finalizar as obras. No mesmo escrito o grupo parlamentario lembraba a carencia de depuración de augas residuais en moitas zonas do Concello de Ponteareas e a deficiencia da depuradora de augas residuais. Por estas cuestións este grupo chegou a rexistrar emendas aos orzamentos de Galicia, emendas que foron rexeitadas polo PP.

Por outra banda, os deputados de Unidas Podemos- En Común Podem- Galicia En Común, Yolanda Díaz e Antón Gómez Reino, rexistraron na Mesa do Congreso dos Deputados unha pregunta para coñecer a posición da Confederación Hidrográfica ao respecto desta necesaria obra.

2019_12_12 Reunión plataforma Ribadetea.1Esta pregunta ven a conto dadas as reticencias da Confederación Hidrográfica a realizar estas obras mentres non se mellore a eficiencia da Estación Depuradora de Augas Residuais de Ponteareas, que neste momento non podería asumir máis caudal. Pola contra, a veciñanza de Ribadetea demanda que se poidan realizar as obras de saneamento na súa parroquia de maneira paralela as da mellora da depuradora co compromiso de non engancharse á rede de saneamento ata que a depuradora non estea en condicións.

Esquerda Unida de Ponteareas apoia totalmente as reivindicacións da veciñanza de Ribadetea e lembra que a falta de depuración de augas residuais no Concello de Ponteareas é unha carencia neste concello que xa debía estar resolva hai moitos anos e que non pode agardar máis demoras. Ao mesmo tempo lembra que a administración do estado non pode limitarse a multar ao Concello pola existencia de augas residuais sen depurar, se non que debe de poñer dunha vez os medios para que esta situación non se produza, algo que dificilmente podería facer o Concello soamente por si mesmo.

ESQUERDA UNIDA LAMENTA A UTILIZACIÓN ENGANOSA DO PXOM POR PARTE DA XUNTA DE GOBERNO

lin15

Esquerda Unida de Ponteareas asegura que o PXOM non podería de ningún xeito ser aprobado neste mandato por non estar aínda entregado o documento con todas as modificacións, nin contar co necesario estudo económico, nin cos informes da oficina técnica, intervención nin secretaría, algo que saben perfectamente os partidos da Xunta de Goberno.

Así mesmo dende a organización de esquerda, denuncian que se están a levar a cabo presións aos técnicos municipais para que realicen informes sen tempo suficiente para estudar as modificacións do documento.

Todo isto leva a que a polémica destes días sobre a aprobación ou non do PXOM non é máis que unha manobra exclusivamente electoral, froito do nerviosismo do tripartito ante a inminencia das eleccións municipais do 26 de maio. Esquerda Unida lamenta a utilización retorcida por parte destes partidos, de cuestións que son demasiado serias para tratalas de xeito tan irresponsable.

Tal e como explicou o concelleiro de Esquerda Unida, Lino Costas, no acto celebrado o pasado venres: “Este Plan Xeral que saíu outra vez estes días á palestra, naceu cun erro de orixe: cando se elaborou, e isto dito polo propio responsable de redacción do plan, o que se pediu por parte de todos os partidos que estaban daquela na corporación municipal: PP, PSOE, BNG e ACiP, foi que se contemplara a máxima edificación posible. Por iso traballouse cunhas expectativas de crecemento totalmente irreais. Venderon fume á veciñanza ata tal punto de que despois a Xunta, que non se pode dicir que quen a goberna sexa un modelo de sensibilidade ambiental, obrigoulles a recortar as previsións de edificabilidade. Na liña do que defendíamos dende EU, si, pero mantendo o carácter de un plan enfocado unicamente á nova construción nun concello con máis de 2000 vivendas baleiras e con poboación en decrecemento”.

Esquerda Unida lembra que dende un primeiro momento posicionouse en contra deste PXOM -fronte ao resto da corporación- por ser ambiental e economicamente insostible. Un plan xeral enfocado na nova construción, e feito para favorecer aos grandes propietarios de terreos e empresarios que realizan obras ilegais.

cartel 17M_RRSS

ESQUERDA UNIDA PRESENTA EN PONTEAREAS UNHA CANDIDATURA INTEGRADORA E COMPROMETIDA

fotogrupo

Desde a esquerda: Juana Miranda, Pablo Fernández, Lara Malvar, Pilar Losada, Chema Fernández, Vanesa Martínez, Patricia Pardo, Jorge Otero, Lino Costas, Borja Rodríguez, Saínza González, Eva Quesada, Melca Ruíz e Manoel Ucha.

Esquerda Unida preséntase en Ponteareas, nestas eleccións municipais de 2019, dentro da coalición Son – En Común, da que forman parte, ademais de EU, Podemos e Anova a nivel nacional.

A candidatura de Esquerda Unida, encabezada por Lino Costas e Patricia Pardo, está formada tanto por persoas militantes da organización como por persoas procedentes dos movementos sociais do concello, recuperando deste xeito a idea orixinal de EU como movemento político social máis que como un partido tradicional. Esta candidatura agradece o tremendo apoio mostrado nas eleccións xerais, onde se posicionaron como terceira forza en todo o municipio, e segunda forza na vila.

Deste xeito, Esquerda Unida presenta unha candidatura formada por persoas procedentes de distintos espazos pero co propósito común de traballar pola mellora das condicións de vida das persoas e o respecto ao entorno. Unha candidatura que pulará pola recuperación dos servizos públicos privatizados como o da xestión da auga, pola democratización da xestión municipal, pola potenciación dos sectores produtivos locais, pola protección das persoas que se atopan en dificultades económicas, pola igualdade real entre mulleres e homes e pola mellora da situación medioambiental. En definitiva, unha candidatura co firme compromiso me mellorar as condicións de vida das mulleres e homes do Concello de Ponteareas.

Tras Lino Costas, Patricia Pardo, Manoel Ucha e Eva Quesada, a lista segue coas activistas sociais, Chema Fernández, Saínza González, Pablo Fernández e Vanesa Martínez. A candidatura complétase con xente pertencente a colectivos sociais, cun gran número de independentes que se achegaron a EU grazas ao traballo honesto e fiel aos principios de solidariedade, defensa da clase traballadora, feminismo e medio ambiente.

IMG-20190420-WA0000

LINO COSTAS E PATRICIA PARDO, CABEZAS DE LISTA NA CANDIDATURA DE ESQUERDA UNIDA

Esquerda Unida de Ponteareas ven de celebrar no día de onte a súa Asemblea de Afiliadas na que se ratificaron os primeiros postos na candidatura para as Eleccións Municipais 2019.

Así, como cabezas de lista xa elixidas no proceso de primarias celebrado en xuño de 2018, confirmáronse Lino Costas e Patricia Pardo no primeiro e segundo posto respectivamente. No posto número tres, a asemblea elixiu a Manoel Ucha e seguidamente a Eva Quesada, quedando cubertos os catro primeiros postos.

IMG-20180319-WA0003

Lino Costas e Patricia Pardo.

Ademais destas persoas xa mencionadas, Esquerda Unida conta neste proceso cunha candidatura moi diversa, paritaria e sobre todo moi social. Mulleres e homes cunha traxectoria de activismo, loita social e conciencia de clase coas que EU enorgullécese de traballar.

ESQUERDA UNIDA INSTA Á XUNTA DE GOBERNO A AVANZAR NA AMORTIZACIÓN DAS PRAZAS DE TAXI

EN CATRO ANOS, NON SE FIXO PROPOSTA ALGUNHA QUE PERMITA APLICAR A PARTIDA ADICADA

peter-kasprzyk-111462-unsplash

ESQUERDA UNIDA manifesta que os 50.000 euros aprobados no pasado pleno municipal de Ponteareas adicados á amortización de prazas de taxi serán totalmente inútiles se non se avanza no xeito de empregalos.

EU apoiou no pasado pleno as modificacións orzamentarias propostas polo goberno municipal. Entre ellas, a creación dunha partida adicada á amortización de prazas de taxi no Concello, tendo en conta que a día de hoxe existen 13 prazas de mais, feito que produce que o colectivo de taxistas do concello teña uns baixos ingresos polo seu traballo.

Ainda así, ESQUERDA UNIDA entende que a creación dunha partida para este fin non supón que se inicie o proceso de amortización de prazas, xa que ata agora o goberno municipal non avanzou en absoluto na busca da fórmula de aplicación destes 50.000 euros para amortizar prazas. Polo tanto, actualmente esta partida non se pode aplicar.

Esta cuestión foi manifestada por Lino Costas, concelleiro de EU no pleno municipal, instando así mesmo ao alcalde e á xunta de goberno a avanzar nesta cuestión. ESQUERDA UNIDA considera que non é xustificación o feito de carecer de informes, tal e como manifestaba no pleno a concelleira de seguridade, xa que o feito é que a día de hoxe non teñen ningunha proposta ao respecto que se poida valorar. EU entende que a única vía para proceder á amortización de prazas de taxi pasa pola elaboración dunhas bases de subvencións para tal fin, previa valoración das mesmas, algo que xa manifestou en diversas ocasións ao goberno municipal.

ESQUERDA UNIDA lembra que a amortización de prazas de taxi foi un compromiso ao que chegaron no ano 2015 todos os partidos que estaban naquel momento na corporación municipal, PP, BNG, PSdG e ACiP.

Para EU, o feito de que nestes catro anos non se avanzara absolutamente nada nesta cuestión responde á absoluta falta de interese por parte do goberno municipal.

Así mesmo, ESQUERDA UNIDA manifesta que por moito que non fora o actual goberno quen creou o problema das prazas de taxi concedidas indiscriminadamente por gobernos anteriores, o feito é que éste é un problema creado pola administración municipal e polo tanto, un debe resolvelo o Concello.

DEPUTADAS VISITAN A ZONA DA VERTEDURA DE LINDANO EN PONTEAREAS

2018_03_23 Foto visita canteira.1_2

O pasado venres 23 de marzo, a Coordinadora Nacional de ESQUERDA UNIDA e deputada no Parlamento de Galicia por En Marea, Eva Solla e a deputada por IU no Parlamento Europeo, Paloma López, visitaron a canteira de Parada en Xinzo, onde se produciron as verteduras de terras con lindano procedentes das obras de saneamento de O Contrasto en O Porriño. Na visita foron acompañadas por Lino Costas e Pedro Ocampo, concelleiros de EU-son en Ponteareas e O Porriño respectivamente.

2018_03_23 Foto visita canteira.2_2Nesta zona contaminada reuníronse con membros da Xunta Directiva da traída de augas de Parada-Rocha, que explicaron ás deputadas os pormenores das súas actuacións para garantir a non contaminación das augas destinadas ao abastecemento desde que se detectou a vertedura de lindano.

2018_03_23 Foto visita canteira.3_2
Posteriormente, a xuntanza foi con membros da asociación ecoloxista ADENCO co obxectivo de coñecer o resultado das súas reclamacións ante o Concello de Ponteareas, a Xunta de Galicia e a Valedora do Pobo con respecto á vertedura de lindano.

2018_03_23 Foto visita canteira.4A visita estivo enmarcada dentro da xornada que adicaron as deputadas a coñecer de primeira man a situación das zonas de O Porriño afectadas polas verteduras de lindano así como a zona da canteira de Xinzo en Ponteareas, o que lles servirá de base para continuar as distintas xestións que están levando a cabo ao respecto tanto no Parlamento de Galicia como no Parlamento Europeo con respecto a estas verteduras altamente contaminantes.

2018_03_23 Foto visita canteira.5
ESQUERDA UNIDA lembra que a pesares de que o alcalde de Ponteareas comprometeuse -a proposta do concelleiro de EU-son, Lino Costas- a dar explicacións documentadas das súas actuacións con respecto ás verteduras de lindano na canteira de Xinzo como moi tarde no pleno do 20 de marzo, dita información non foi trasladada a día de hoxe.

ESQUERDA UNIDA DE PONTEAREAS MANIFESTA O ACERTO DE NON TER ENTRADO NA XUNTA DE GOBERNO

O pasado venres 16 de marzo, ESQUERDA UNIDA de Ponteareas celebrou un foro no Auditorio Municipal coa intención de achegar á cidadanía o traballo desenvolvido dende xuño de 2015, data na que por vez primeira esta agrupación obtivo representación no concello.

Os relatores foron Lino Costas, coordinador e concelleiro de EU-son, e Patricia Pardo, a responsable de organización de EU Ponteareas.

Na presentación deixaron clara a súa posición feminista, ecoloxista e pola defensa da clase traballadora. Esta liña política, afastada das políticas de BNG, PSOE e ARDT foi a prioridade na decisión de non entrar a formar goberno con estes partidos. A día de hoxe, manifestaron, queda demostrado que estaban no certo.

De xeito ameno e moi próximo falaron das diversas propostas presentadas e aprobadas no pleno municipal, o apoio ás diferentes mobilizacións cidadás, á participación activa para mellorar os servizos sociais da vila, e a defensa das traballadoras e traballadores do municipio entre outras.

Por outra banda, lembraron tamén a oposición total que tivo esta agrupación a situacións vergoñentas propiciadas polo actual goberno tripartito: como a concesión da medalla de ouro ao franquista, inhabilitado e condenado ex alcalde José Castro, o intento de privatización da estación de autobuses, os excesos do PXOM actualmente paralizado, ou a irresponsabilidade do alcalde nas recentes verteduras de lindano.

Destacaron o sorprendente afán privatizador desta Xunta de Goberno, que lonxe de tentar estudar as formas de remunicipalizar os servizos, conseguen superar ao PP privatizando por máis anos e por máis cartos.

O público asistente interesouse sobre todo nos servizos públicos, no mal estado das rúas da vila e na precariedade laboral das traballadoras e traballadores municipais.

ESQUERDA UNIDA DE PONTEAREAS ESÍXELLE AO ALCALDE ACLARACIÓNS SOBRE O LINDANO

ANTE AS NOVAS DO TRASLADO DESTE TÓXICO ATA XINZO

Na prensa do pasado 17 de xaneiro de 2018 aparecía nalgún medio unha nova sobre un suposto traslado do lindano atopado nos barrios de Contrasto e Pereira no Concello de O Porriño, a unha canteira na parroquia de Xinzo en Ponteareas.

Dado o carácter enormemente daniño deste composto químico e ante a información de que este trasladouse en grandes cantidades a unha canteira de Xinzo, Lino Costas, concelleiro de EU-son, decidiu dirixir unha preguntas ao alcalde de Ponteareas para que aclare esta situación. Entre as preguntas dirixidas dende ESQUERDA UNIDA ao alcalde -e tamén concelleiro de Medio Ambiente- formúlase se é certa esa información e se o Concello foi informado ao respecto.

O lindano é un composto químico especialmente tóxico e daniño tanto para o medio ambiente como para o ser humano. Isto levou a que a UE limitara ao máximo en 2004 o seu uso e produción, dando de prazo ata 2007 para eliminar o seu uso. Polo tanto, e tendo en conta que o lindano é un produto extremadamente perigoso, a súa manipulación e almacenamento debe facerse de xeito que non supoña un perigo de contaminación. Depositar simplemente este produto nunha canteira non parece o procedemento máis axeitado.

ESQUERDA UNIDA considera que de ser certa esta información estaríamos ante un feito moi grave. Aínda máis se cabe, se temos en conta que un residuo destas características pode contaminar os acuíferos, polo que xa estaríamos falando dun problema que pode afectar directamente á saúde da veciñanza de Ponteareas.

Polo tanto ESQUERDA UNIDA non tolerará ningún tipo de conduta tibia por parte do Concello con respecto a este problema e esixe que se aclare a situación e que, no seu caso, se tomen todas as medidas necesarias para evitar que este residuo supoña un perigo para o medio ambiente e para as persoas.

A %d blogueros les gusta esto: